1274 Oktober 30. Breslau

Herzog Heinrich IV. schenkt seinem Schneider Chunato Baran das Dorf Schreibendorf.

In nomine domini amen. Quoniam ea, que racionabiliter aguntur, debent inviolabiliter observari, ideoque ad perpetue rei memoriam autentica privilegia sunt inventa, ut, que in his liberaliter promittuntur, facto et opere compleantur, nos igitur Henricus dei gracia dux Slecie et dominus Wratislaviensis per presens privilegium ad memoriam presentium et notitiam deferri volumus futurorum, quod inspectis fidelibus serviciis et obsequiis graciosis nobis quam plurimis exhibitis et impensis Chunatonis dicti Barani junioris, nostri sartoris, de nostra mera liberalitate nostrorumque fidelium baronum consilio et assensu requisito villam nostram Sriberdorph wlgari nomine nuncupatam illa parte pontis de Brega circa Odram situatam cum omnibus utilitatibus et pertinentiis universis ad eandem spectantibus, secundum quod ipsa villa in suis metis atque terminis dinoscitur esse sita, eidem duximus conferendam sibi suisque veris ac liberis heredibus et successoribus jure hereditario libere perpetuo possidendam. Ut autem hec nostra donacio robur obtineat firmitatis nec ab aliquo processu temporis valeat aliquatenus inmutari, presentem paginam sibi dari jussimus nostri sigilli munimine roboratam. Actum in Wrat. anno domini MCCLXX quarto, tertio Kalend. Nouembris presentibus hijs: domino Petro protonothario, Themone judice nostro, Eberhardo et Symone fratribus, Henrico et Samborio fratribus et aliis pluribus fidedignis. Datum per manus Balduini notarii curie nostre. . . . .

Von dem Siegel nur ein Fragment erhalten, welches dann auch ein Rücksiegel erkennen lässt, auf welchem ein Adlerflügel noch sichtbar ist.

Codex Diplomaticus Silesiae, hrsg vom Vereine für Geschichte und Alterthum Schlesiens, Bd 9, Urkunden der Stadt Brieg. Urkundliche und chronikalische nachrichten über die Stadt Brieg, die dortigen Klöster, die Stadt- und Stiftsgüter bis zum Jahre 1550. Hrsg Dr. C. Grünhagen, Breslau 1870.